想講一講電影《沙丘瀚戰》中潛在意識，話曬電影源自科幻鼻祖Dune小說改編，就連《星戰》、《權力遊戲》、《風之谷》等等也是參考它！（電影Dune1984版又是另一個話題）
電影提出的「宇宙政治」影響好多電影政治觀。《沙丘瀚戰》講到極權帝國為了整一個大陷阱局，聯合男爵家族有藉口消滅男主角亞崔迪家族，帝國詐詐諦送咗個沙丘星球管理權俾亞崔迪家族！其實亞崔迪家族都知道係個局，但無計，形勢比人弱。於是只能舉家飛到沙丘星球進行統治！正如所料，男爵揮軍到沙丘星球進行超級大屠殺，冇人有機會生存！
回想起來，電影中情況有些少似今日，今日有個海港星球進行選舉委員會選舉，帝國賦予極少數人有投票權，是否他日俾自己人徹底殲滅嘅準備呢？宇宙政治套係邊度都一樣，電影中，亞崔迪家族起碼深知這是帝國的局，但海港星球嘅委員會選民幾開心！佢哋一定未睇《沙丘瀚戰》啦！😅
#5000幾個警員睇住4000幾個選民仲未明呀
#李嘉誠自己最聰明
Search